نصووور والسوبر ماركت...

بسم الله الرحمن الرحيم

اولا يثني عليكم بالسلام ( السلام عليكم ورحمة وبركاته ) راح اقولك موقف طريف حصلي ولا اطيل عليك ادش في

الموضوع على طول في يوم من الايام ذهبت الى السوبر ماركت وكان الوقت متاخر وكان السوبر على وش الاغلاق

دخلت السوبر وكنت جالس اتسوق وكان في بالي شي نيست اش هوه وجالس افكر وفجئـــــــــــه بدات الانوار تنطفي

واصوات الناس تنخفي وعم الهدوء على الجميع في السوبر فقلت اكيد حصل مشكله اوشي عظيم المهم انا بااخر

السوبر فلما وصلت الى البوابه والى هي مغلقه يوووووووووووه وش المصيبه وش ذا قفلوا السوبر وانا داخل

المهم تخريطته قلبي طاح في سروالي هههههههه قمت وتركت العربــــــــيهـ وقمت ابحث عن مخرج صرت

رايح جاي مالقيت شي قلت وش اسوووي الحين كيف اطلع من هالمازق يارب وش المصيبه اللى

حصلتلي اليووم شكل امي داعيه علي يالله وش اسووي قلت ادق على الشرطـــــه يشفووو حل لي

بعدين قلت لا لا كذا يقوولون هو حرامي ويبغى يبري نفسه من التهمه المهم يوووه يلاي نصوور

شفلك حل وصرت رايح جاي داخل السوبر وصارت الساعه الان تقريبا 2تمام تعبت وجلست من

شدة الخووف وش الورطه يارب وانا جالس امامي اكياس رز وسكر الفئران جالسه تلعب و تاكل

في اكياس الرز وفي فار صغير مررره جالس ياكل في كيس السكر قلت لعنبوك تحلى وانا في ورطه
انته كيف قطعت الكيس لعنبوك وش ذا السنون فرحان ياكل سكر هالفار ههههههههههههههههههه

وقتـــــــــــها تمنيت اصير فار مو علشان الرز والسكر ههههههه لا علشان اطلع من المازق
المهم مليت من الجلوس قلت احتمال يكون في مخرج المهم اتمشى لمى وصلت جهت البوابه الرئيسيه

كانت نص الواجه زجاج وفاجئه شفت حارس الامن ياحظي اقوووله بس دقيقه يانصوور لا تستعجل

يحسبك حرااامي المهم انا صرت اراقبه المهم الحارس جاب الكرسي وجلس وكان بيده الجووال

قلت اكيد شافني ويدق على الشرطه المهم قربت من عند الباب واتصنت عليه واللى يقوول هلا

حبيبتي قلت هذا وقت حب المهم جالس يكلم خطبيته ويقولها يالله متى تنزووج عمي يقوول بعد سنتين

يالله ياليتني سوبر مان علشان اطير واجيك ولا طرازن اجيك بالحبل حقي احمق يا الحارس المغفل

وكان يتغزل فيها ويقول ( احبك والغنم تشهد واحبك كثـــــــــــر معزانا) ههههههههههه قلت احلى بيتر ..وهايدي المهم الساعه وصلت 4,30خلاص وقت الصلاه حان

وش اسووي .... وش اسووي يالله تدرووون وش سووويت ...

جالست حتى غلقت الصلاه وجاء الهنود الملاعين وفتحووو المحل لمى سمعت صوووتهم وهم يقولون قر قر

نفر ولد كفيل خربان كبير هههههههههههههه ليش هو ثلاجه المهم صرت اجري وتخبيت وراء ثلاجه الكوكولا

ماطلعت حتى جاء عدد قليل من الزباين وطلعت على اني زبون مادرو اني جالس في الهوتل حقهم شريت

ماء وطلعت علشان لااحد يشك فيه والحمدالله عدت سلامات يالله ماني مصدق نفسي اني نجوت رحت البيت

وانا مرهق نمت والان اخاف من الظلمه لاني اذاحد دخل وطفى النوور احسبني في السوبر هههههههههههههه

تقبلووو اعتذاري لا ني اطلت عليكم وترقبوووووا الجديد
تحياتي

هههههآي

تسلم يالغلآ على الطرح

وبنتظار جديدك

تقبل مروري

ههههههههههههههههههههههههه هههههههههههههههههههه والله موقف يقهر بنفس الوقت رهيب

لاتحرمنا من جديدك المميز

*******************************************

تقبل مروري *_*